Më 25 shkurt 2022, në hapësirat e Akademisë për gjykatës dhe prokurorë publik “Pavel Shatev” Shkup, u mbajt takimi i parë i Grupit drejtues të Jurisprudencës në kuadër të Programit për reformë në sektorin e inteligjencës dhe sigurisë në Maqedoninë e Veriut (2021-2026), që zbatohet në bashkëpunim me DCAF – Qendra e Gjenevës për menaxhimin e sektorit të sigurisë.
Në takimin e kryesuar nga Drejtori i Akademisë, prof. Dr. Natasha Gaber Damjanovska, përveç përfaqësuesve të DCAF, z. Mark Remilar, znj. Teodora Fujor dhe z. Kire Babanoski morën pjesë aktive dhe Kryetarja e Këshillit gjyqësor të Maqedonisë së Veriut, znj. Pavlina Crvenkovska, Kryetari i Shoqatës të gjykatësve, z. Xhemali Saiti, përfaqësuesi i Ministrisë së Drejtësisë, z. Nikola Prokopenko dhe përfaqësues të donatorëve/partnerëve zhvillimorë në Programin, si vëzhgues.
Bazuar në Marrëveshjen e bashkëpunimit për bashkëpunim të vazhdueshëm me DCAF të nënshkruar më 18 nëntor 2021, dialogu në këtë grup drejtues do të kontribuojë në forcimin e kompetencës gjyqësore dhe kapacitetit për të miratuar metoda invazive të mbledhjes së informacioneve, të cilat do të rrisin pavarësinë e gjyqësorit në Republikën e Maqedonisë së Veriut.
Në takim u diskutua për të arriturat e deritanishme, progresin në realizimin e aktiviteteve programore, zhvillimet aktuale dhe udhëzimet për planin vjetor për realizimin e aktiviteteve programore në segmentin e jurisprudencës. Gjithashtu, anëtarët shkëmbyen informacione mbi reformat, zhvillimet dhe prioritetet e sektorit të jurisprudencës në lidhje me Programin dhe diskutuan se si ato mund të integrohen ose mbulohen me Programin.