Sot (16 gusht 2021) përfaqësues të Qendrës për trajnim gjyqësor të Mbretërisë së Holandës, znj. Anne Tahapary, menaxhere për trajnime dhe aktivitete ndërkombëtare dhe z. Tonnie Hulman, menaxheri i projektit, realizuan një vizitë pune në Akademinë për gjykatës dhe prokurorë publik.
Gjegjësisht, ata do të qëndrojnë në Shkup deri më 20 gusht 2021, ku do të takohen me stafin e Akademisë, gjykatës dhe prokurorë publik të zgjedhur nga radhët e Akademisë, veçanërisht ata që punojnë në rastet që lidhen me lirinë e shprehjes dhe të drejtat e njeriut, dhe qëllimi është që të njihet me sistemin gjyqësor të Republikës së Maqedonisë së Veriut, punën dhe organizimin e Akademisë, si një institucion kyç i ngarkuar për sigurimin e kuadrit të ri për gjykatës dhe prokurorë publik dhe edukimin e mëtejshëm të gjykatësve dhe prokurorëve publik në Maqedoninë e Veriut.
Takimi i parë i punës u mbajt me drejtorin e Akademisë, prof. Dr. Natasha Gaber Dajmanovska. Gjatë takimit, drejtori i Akademisë i njohu shkurtimisht me sistemin gjyqësor të Maqedonisë së Veriut, dhe më pas prezantoi strukturën organizative të Akademisë. Ajo gjithashtu shpjegoi mënyrën në të cilën funksionon Akademia, fushëveprimin e saj, si dhe mënyrat në të cilat realizohen programet për trajnimin fillestar dhe të vazhdueshëm. Drejtori i Akademisë i informoi përfaqësuesit e Qendrës për trajnim gjyqësor të Mbretërisë së Holandës se Akademia ka krijuar një bashkëpunim ndërkombëtar të vazhdueshëm, shumëvjeçar dhe vërtet të gjerë, brenda të cilit bashkëpunon shkëlqyeshëm edhe me Ambasadën e Mbretërisë së Holandës. Përvojat e huaja janë shumë të rëndësishme për avancimin e proceseve arsimore të kryera nga Akademia, dhe kështu edhe për avancimin e aftësive dhe njohurive të gjykatësve dhe prokurorëve publik në Maqedoninë e Veriut, veçanërisht për të Drejtën e BE-së.
Pas takimit me Drejtorin e Akademisë, përfaqësuesit e Qendrës për trajnim gjyqësor zhvilluan një takim pune me Zëvendës Drejtorin e Akademisë, Ilir Iseni, me të cilin, përveç punës së Akademisë, rolin e saj në sistemin gjyqësor të Republikës së Maqedonisë së Veriut dhe shkëmbimin e përvojave midis Akademisë dhe Qendrës për trajnim gjyqësor të Mbretërisë së Holandës, diskutuan gjithashtu për rolin e kryetarëve të gjykatave në Maqedoninë e Veriut, trajnimet për kryetarët e gjykatave të organizuara nga Akademia, rolin e personave të ngarkuar me marrëdhëniet me publikun në gjykatat, dhe për Këshillin gjyqësor-mediatik, si një organi i Shoqatës së gjykatësve të Maqedonisë së Veriut me qëllim të përmirësimit të komunikimit ndërmjet gjykatësve dhe gazetarëve.
Këto takime pritet të rezultojnë me realizimin e ngjarjeve të ardhshme arsimore të përbashkëta që do të nënkuptojnë pasurimin e përmbajtjes së programeve për trajnimin fillestar dhe të vazhdueshëm.