Потпишан меморандум за соработка помеѓу Академијата за судии и јавни обвинители и Судско-медиумскиот совет при Здружението на судии на Република Северна Македонија

Fatkeqësisht hyrja është e disponueshme vetëm në% LANG:,: dhe%. For the sake of viewer convenience, the content is shown below in the alternative language. You may click the link to switch the active language.

Денес (26 јануари 2021 година) во просториите на Академијата за судии и јавни обвинители беше потпишан меморандум за соработка помеѓу Академијата за судии и јавни обвинители и судско-медиумскиот совет при Здружението на судиите на Република Северна Македонија.

Меморандумот беше потпишан од страна на директорот на Академијата, проф. д-р Наташа Габер Дамјановска, д-р Џемали Саити,судија на Врховен суд на Република Северна Македонија и претседател на ЗСРСМ и г. Иван Џолев, претседател на Кривичен суд Скопје и претседател на Судско-медиумскиот совет при ЗСРСМ.

 

 

Како што истакнаа првите луѓе на институциите потписнички целта на потпишувањето на овој меморандум е да се зајакне меѓуинституционалната соработка, на начин што ќе ги насочат своите напори кон поттикнување и афирмација на областите од заеднички интерес, како што е областа на судската транспарентност и континуирана обука на судии и јавни обвинители, учество на членови од судско-медумскиот совет како предвачи на обуките како и учество на правни експерти од Академијата во подготовка на Стратегија за зајакнување на судската транспарентност, предвидена со проектот „Зајакнување на улогата и функционалноста на судско-медиумскиот совет“финансиран од Владата на САД, како и подготовка и промоција на други документи од областа на транспарентноста и односите со медиумите.

Меморандумот предвидува низа активности како што се: промовирање на заедничките активности; организирање настани од интерес за двете институции;  организирање обуки и семинари за потребите на Судско-медиумскиот совет;  проширување на мрежата на соработка со други институции и организации; стручна помош и анализа за конкретни деловни проекти и потфати и т.н.