(мкд) Одржано советување за стратешко планирање

Fatkeqësisht hyrja është e disponueshme vetëm në% LANG:,: dhe%. For the sake of viewer convenience, the content is shown below in the alternative language. You may click the link to switch the active language.

Денес (1 јули 2020 година) Академијата за судии и јавни обвинители  во соработка и финансика поддршка ИПА Проектот„Поддршка на реформите за правосудниот сектор“ одржаа виртуелно советување за стратешко планирање.

На советувањето присуствува членови на Судскиот буџетски совет и членови на работната група на Судскиот буџетски совет.

На советувањето се обрати директорот на Академијата, проф. д-р Наташа Габер Дамјановска, која рече дека стратешкото планирање на е системски начин на донесување на стратешки одлуки, утврдување на цели и стратегии и спроведување на активности кои ќе ги насочуваат судовите кон остварување на посакуваната цел. Тоа е процес кој бара континуирано следење на остварениот напредок во однос на поставеноста и реализацијата на активностите.

Поздравно обраќање до присутните имаа и претседателот на Судскиот совет, судијата Киро Здравев, кој напомена дека страштешкото планирање е многу важно за да се унапреди целокупното работење на судоството и да се зголеми нивната ефикасност.

Судијата Рајнер Девил, тим лидер на Проекот ИПА„Поддршка на реформите во правосдуниот сектор“ се заблагодари на сите присутни и за заложбата на Академијата сите проектни активности да се реализираат и покрај состојбата во која се наоѓа светот денес.

Во рамки на советувањето од страна на г-а Силвија Јаневска, државен советник за судски буџет беше презентиран нацртот на Предлог- правилникот за изготвување на судски буџет, а воедно беа дадени и примери од планови за стратешко планирање. За општите начела на стратешкото планирање говорше г-а Тања Васиќ Бозаџиева, државен советник,Министерството за правда, додека за видовите анализи: како што се SWOT и PEST за буџетски корисници, идентификација на иницијативи и нивно планирање, човечки и финансиски ресурси, говореше судијата Рајнер Девил, лидер на тимот ,ИПА проект ,,Поддршка на реформите во правосудниот сектор’’ .