Akademia për gjyqtarë dhe prokurorë publikë, në kuadër të bashkëpunimit me Qendrën për Trajnim Gjyqësor të Mbretërisë së Holandës, organizoi një ngjarje përmbyllëse me të cilën u përmbyll cikli i projektit të trajnimeve që përfshinte mentorët dhe ligjëruesit e Akademisë.
Ngjarja u mbajt më 26 mars 2025 në hapësirat e Akademisë, dhe në të mbajtën fjalime përshëndetëse drejtoresha e Akademisë, Irina Trajkoska Strezoski, znj. Manon Janssen, zëvendësambasadore e Mbretërisë së Holandës në Republikën e Maqedonisë së Veriut, si dhe menaxheri i projektit, Wout-Jeroen Leenders..
Drejtoresha e Akademisë e vlerësoi si të suksesshme realizimin e të gjitha aktiviteteve në kuadër të kësaj bashkëpunimi, që rrjedh nga Memorandumi i bashkëpunimit i nënshkruar ndërmjet Akademisë dhe Qendrës për Trajnim Gjyqësor të Mbretërisë së Holandës e vlerësoi si të suksesshme. Vlerësimi i saj bazohet në reagimet që Akademia ka marrë nga pjesëmarrësit në trajnimet. Vlerësime pozitive për realizimin e trajnimeve morën edhe ekspertët nga Mbretëria e Holandës: Anne Tahapary dhe Floor Boekhorst, të cilët i dizajnuan programet dhe i mbajtën ligjëratat. Sipas drejtoreshës, Irina Trajkoska Strezoski, trajnimet për mentorët, të dedikuara për aftësitë dhe njohuritë e tyre, janë shumë të dobishme dhe të rëndësishme, veçanërisht për realizimin e pjesës praktike të programit për trajnimin fillestar të Akademisë. Ajo gjithashtu e shfrytëzoi këtë mundësi për t’i shprehur falënderim Ambasadës së Mbretërisë së Holandës për mbështetjen e përgjithshme, jo vetëm për këtë projekt, por edhe për të gjitha të tjerat që janë realizuar gjatë viteve të kaluara. Gjithashtu, ajo shprehu shpresën se ky ngjarje nuk do të thotë fundi i kësaj bashkëpunimi dhe se në të ardhmen do të ketë mundësi të tjera për realizimin e aktiviteteve të reja. Ajo shprehu mirënjohje të madhe si për ekspertët, ashtu edhe për Qendrën për Trajnim Gjyqësor të Mbretërisë së Holandës, me mbështetjen e së cilës të gjitha aktivitetet e parashikuara u realizuan me sukses.
Zëvendësambasadorja e Mbretërisë së Holandës, Manon Jensen, i shprehu falënderim drejtoreshës së Akademisë për gatishmërinë e Akademisë për të punuar në përmirësimin e sistemit gjyqësor në Republikën e Maqedonisë së Veriut dhe e konfirmoi edhe një herë mbështetjen e fortë të Ambasadës së Holandës për sundimin e ligjit në vendin tonë.
Ekspertët holandezë shprehën gjithashtu mirënjohjen e tyre për Akademinë, duke vënë në dukje se ishin të kënaqur që punuan me gjyqtarë dhe prokurorë publikë të cilët treguan interes dhe motivim të madh, me qëllim që t’i bënin ata më efektivë në kryerjen e detyrave të tyre si mentorë dhe kështu të jepnin një kontribut pozitiv në ndërtimin e profileve të kolegëve të tyre të ardhshëm.