Sot në Shkup u mbajt Konferenca Rajonale „Zhvillimi efektiv i procedurave para Gjykatës së Drejtësisë; së Bashkimit Evropian dhe zbatimi i Kartës së Bashkimit Evropian për të drejtat Themelore“, e cila bashkoi përfaqësuesit e institucioneve gjyqësore dhe akademive për gjykatës dhe prokurorë publik nga Maqedonia e Veriut, Shqipëria, Serbia dhe Mali i Zi.
Konferenca u hap me fjalimet e znj. Alicja Sikora-Kaleda, udhëheqëse e Departamentit për Hulumtim dhe Dokumentacion pranë Gjykatës së Drejtësisë, znj. Bojana Bosilkova nga Ministria e Drejtësisë e Republikës së Maqedonisë së Veriut, z. Bart de Brujn, koordinator rajonal për qeverisjen e së drejtës pranë Ambasadës së Mbretërisë së Holandës në Serbi dhe Mal të Zi, znj. Irina Trajkoska Strezoski, drejtoresha e Akademisë për gjykatës dhe prokurorë publik, dhe znj. Lidija Stojkova-Zafirovska, kryetare e Qendrës për Kërkime dhe Analiza Ligjore (CPIA).
Pas fjalëve hyrëse znj. Alicja Sikora-Kaleda mbajti një prezantim me temën „Roli i Gjykatës së Drejtësisë së Bashkimit Evropian dhe rëndësia e saj për vendet kandidate për anëtarësim në BE“.
Në sesionin e radhës u prezantuan gjetjet kryesore nga dokumentet e politikave publike „Udhëzime për zhvillimin e procedurave para Gjykatës së Drejtësisë së BE-së për vendet e reja anëtare“ dhe „Sfidat për vendet e reja anëtare në zbatimin e Kartës së BE-së për të Drejtat Themelore“, përmes paraqitjeve të autorëve dhe bashkautorëve nga katër vende.
Në pjesën pasdite të programit u zhvillua një diskutim panel ku u bisedua për sfidat kryesore me të cilat përballen vendet e rajonit në zbatimin e së drejtës evropiane dhe Kartën për të Drejtat Themelore, si dhe për rekomandimet dhe hapat e ardhshëm për përmirësimin e tyre.
Ngjarja u organizua në kuadër të projektit „Strengthening Regional Judicial Cooperation in the Western Balkans for Effective Litigation before CJEU and Implementation of the EU Charter of Fundamental Rights“, i zbatuar nga Qendra për Kërkime dhe Analiza LIgjore, Aleanca Qytetare – Mali i Zi dhe CIVIL RIGHTS DEFENDERS – Serbi dhe Shqipëri, me mbështetjen e Qeverisë së Mbretërisë së Holandës.
Në ditët në vijim do të ndajmë më shumë detaje dhe momente nga konferenca.
#EUCharter #FundamentalRights #JusticeCooperation #CJEU
Teksti është marrë nga Qendra për Kërkime dhe Analiza Ligjore (CPIA)
