Në ambientet e Akademisë, më 04 nëntor 2025, u zhvillua një këshillim dedikuar temës: „Procedura gjyqësore sipas Ligjit për Drejtësinë për Fëmijët“. Në këshillim morën pjesë gjykatës nga departamentet penale, prokurorë publik dhe bashkëpunëtor profesional nga gjykatat/prokuroritë nga të gjitha zonat e apelit, ndërsa përvojat e tyre praktike me të pranishmit i ndanë: Dr.Olja Ristova, gjykatëse në Gjykatën e Apelit Shkup, M-r Elena Ivanovska Minoska, prokuror publik në Prokurorinë Publike Themelore Shkup dhe Dushan Josifov, gjykatës në Gjykatën Themelore Penale Shkup.
Qëllimi i këshillimit ishte të theksohen dallimet midis Ligjit të vjetër dhe atij të ri për drejtësinë për fëmijët, si dhe të shkëmbehen mendime në lidhje me mbrojtjen e fëmijëve-viktima të veprave penale dhe dëshmitarëve në procedurën penale me një vëmendje të veçantë ndaj masave të veçanta të mbrojtjes procedurale të fëmijëve-viktima dhe fëmijët-dëshmitarë.
Njëkohësisht, në këshillim u prezantuan edhe sfidat në procesin e zbatimit të procedurave. Praktikuesit juridikë kombëtarë theksuan disa pika kryesore kur bëhet fjalë për procedurën gjyqësore, si për shembull: inicimi i procedurës përgaditore, marrjen e vendimeve të mëtutjeshme, procedurë sipas një popozimi të drejtpërdrejtë pa kaluar në fazën përgaditore, mbajtjen e seancës së këshillit për çështje që lidhen me fëmijët, marrjen në pyetje të fëmijës dhe mbledhjen e të dhënave përkatëse, zhvillimin e veprimeve përgaditore, strehimin dhe mbikëqyrjen e përkohshme, thirrjen dhe marrjen në pyetje të fëmijës, zbatimin e paraburgimit dhe masave të tjera të sigurimit, si dhe pezullimin apo përfundimin e procedurës përgaditore.
Një dokument kyç për drejtësinë ndaj fëmijëve është, sigurisht, Konventa e OKB-së Për të Drejtat e fëmijës, për këto arsye, në këtë këshillim u prezantuan parimet dhe rregullat themelore që zbatohen në punën me fëmijët në rrezik dhe fëmijët në konflikt me ligjin, me theks të veçantë tek drejtësia restauruse për fëmijët.
Duke pasur parasysh rëndësinë e praktikës gjyqësore të Gjykatës Evropiane për të Drejtat e Njeriut gjatë këshillimit u prezantuan gjithashtu studime rastesh nga praktika e kësaj gjykate në procedurat penale që përfshijnë fëmijë, si edhe shembuj nga praktika e gjykatave kombëtare të apelit.