Ndryshimet në Kodin Penal dhe përputhshmëria me Konventën e Stambollit ishin pjesë e temave të trajnimit që Akademia e organizoi sot (28 tetor 2025 ) në ambientet e Gjykatës së Apelit Manastir, me titull: Risitë në ndryshimet e Kodit Penal.
Trajnimin e realizuan: Lile Stefanova, prokuror publik në Prokurorinë Publike të RMV-së dhe M-r Natasha Gogjoska, prokuror publik në Prokurorinë e Lartë Publike Shkup, dhe e njëjta ishte destinuar për gjykatësit nga departamentet penale, prokuror publik dhe bashkëpunëtor profesional nga gjykatat dhe prokuroritë e rajonit të apelit të Manastirit.
Qëllimi i trajnimit është të zgjidhen problemet në praktikë, të cilat janë shfaqur pas ndryshimeve të miratuara në shumë vepra penale me një theks të veçantë në veprën penale Abuzimi me pozitën zyrtare dhe autoritetin nga neni 353 i Kodit Penal .
Siç theksuan prokuroret publike që e realizuan trajnimin, ai do të fokusohet në Ligjin për ndryshimin dhe plotësimin e Kodit Penal, i cili ndër të tjera do të thotë përshtatjen e Kodit Penal me Konventën e Stambollit.
Konkretisht, Konventa e Stambollit paraqet një instrument juridik rajonal që siguron mbrojtje gjithëpërfshirëse të drejtave të grave. Ky traktat multilateral ndërkombëtar është i hapur për nënshkrim nga vendet anëtare të Këshillit të Evropës, vendet jo anëtare të Këshillit të Evropës, si dhe nga organizatat ndërkombëtare. Konventa u miratua nga Komiteti i Ministrave të Këshillit të Evropës më 7 prill 2011, dhe për nënshkrime u hap më 11 maj 2011 në kuadër të sesionit të 121-të të Komitetit të Ministrave të Këshillit të Evropës, mbajtur në Stamboll, për këtë arsye ajo mori edhe emrin “Konventa e Stambollit”. Konventa hyri në fuqi me ratifikimin e saj nga 10 shtete anëtare të Këshillit të Evropës. Shteti ynë e nënshkroi Konventën e Stambollit më 8 korrik 2011, dhe e ratifikoi me deponimin e instrumentit të ratifikimit më 23 mars 2018. Konventa hyri në fuqi më 1 korrik 2018.
Konventa e Stambollit përshkruhet si „standardi i artë“ dhe „e para ndër të barabartat“ në kuadër të instrumenteve që trajtojnë eliminimin e dhunës ndaj grave. Kjo është për shkak se konventa përfaqëson një instrument gjithëpërfshirës i cili është juridikisht detyrues dhe i përfshin të gjitha format e dhunës ndaj gruas. Konventa mbështetet në mirëkuptimin se dhuna ndaj grave dhe vajzave depërton në të gjitha aspektet e jetës shoqërore dhe është pasqyrim i marrëdhënieve të pabarabarta të pushtetit që ekzistojnë midis burrave dhe grave. Në këtë kuptim, për vendet që e kanë ratifikuar konventën vendoset standardi i „kujdesit të duhur“, me të cilin parashikohen një sërë detyrimesh për parandalimin, ndjekjen penale të kryesve dhe zbatimin e masave ligjore dhe të tjera të politikës integruese.
Në pjesën e dytë të trajnimit fokusi ishte vendosur në analizën e ndryshimeve të Kodit Penal nga shtatori i vitit 2023 të publikuara në Gazetën Zyrtare 188/23.