Menaxhimi efektiv i çështjeve përbën një element kyç për veprimin e gjykatës dhe prokurorisë në mënyrë të drejtë, të ligjshme dhe me cilësi. Me rritjen e numrit të çështjeve, hetime të ndërlikuara dhe presion për transparencë, është e nevojshme të ekzistojë një praktikë e unifikuar dhe e standardizuar për ndjekjen e lëvizjes së çështjeve dhe menaxhimin e kohës në të gjitha fazat e procedurës prokuroriale.
Në këtë drejtim, Akademia për gjykatës dhe prokurorë publik zhvilloi një trajnim për menaxhimin e çështjeve (lëvizjen e çështjeve dhe kohën), i cili u mbajt sot (06 nëntor 2025) në ambientet e Akademisë.
Trajnimi u organizua dhe ishte i destinuar për nëpunësit gjyqësor dhe prokurorialë nga të gjitha gjykatat dhe prokuroritë publike në Republikën e Maqedonisë së Veriut, dhe trajnimi u realizua nga M-r Borçe Mirçeski, administrator gjyqësor në Gjykatën Themelore të Ohrit dhe M-r Maja Petrova, këshilltare-prokurore në Prokurorinë Themelore Publike për Ndjekjen e Krimit të Organizuar dhe Korrupsionit.
Qëllimi i trajnimit është të përmirësojë njohuritë dhe aftësitë praktike e shërbimit gjyqësor dhe prokurorialë në organizimin, përcaktimin e prioriteteve dhe ndjekjen e çështjeve si dhe përmes zbatimit të një qasjeje sistematike në menaxhimin e çështjeve dhe kohës së trajtimit të përmirësohet efikasiteti dhe transparenca në punë.
Nëpërmjet trajnimit pjesëmarrësit do të avancojnë kuptimin e tyre mbi ciklin e plotë të një çështjeje– nga pranimi deri në arkivim, ata do të zhvillojnë aftësi më të mira për përdorimin e sistemeve të evidencës dhe ndjekjes, do të identifikojnë „pikat kritikuese“ që shkaktojnë vonesa në procedura, do të fitojnë njohuri për zhvillimin e standardeve dhe tregues për kohëzgjatjen e tyre e fazave të veçanta të lëndës dhe do të nxitet një kulturë e llogaridhënies dhe e menaxhimit sipas rezultateve, e jo vetëm sipas proceseve.
Përmes këtij trajnimi pjesëmarrësit veçanërisht do të fitojnë njohuri për qëllimin e Ligjit për menaxhimin e lëvizjes së lëndëve, Menaxhimi i automatizuar i lëndëve gjyqësore, procedurat për ndjekjen e gjendjes së menaxhimit të lëvizjes së lëndëve në gjykatë , sigurimi i të drejtës për gjykatës të përzgjedhur në mënyrë të paanshme nëpërmjet Trupit Punues për menaxhimin e lëvizjes së lëndëve dhe kompetencat e tij si dhe afatet për ndërmarrjen e veprimeve.