Në takimin e punës që u mbajt në ambientet e Akademisë për gjykatës dhe prokurorë publikë, më 21 tetor 2025, i organizuar nga Akademia, Këshilli Gjyqësor i Republikës së Maqedonisë së Veriut dhe Administrata për Ekzekutimin e Sanksioneve, Akademia ofroi mbështetje për zbatimin e masave alternative, dhe kështu edhe për sistemin probator në RMV.
Në deklaratën e saj për mediat, drejtoresha e Akademisë tha se Akademia është e përgatitur t’u ofrojë ndihmë gjykatësve përmes edukimit, që është edhe një rol kyç i Akademisë. „Këto janë në fakt rekomandimet e Këshillit të Evropës, shqyrtimi i dënimeve jashtëinstitucionale në vend të dënimit me burg. Ne jemi këtu për t’u ofruar mbështetje gjykatave dhe gjykatësve që punojnë me këto masa alternative dhe sanksione“- theksoi drejtoresha Irina Trajkoska Strezoski.
Sipas kryetarit të Këshillit Gjyqësor, Aleksandar Kambovski, i cili pati një fjalim përshëndetës në takimin e punës, ri-socializimi është i rëndësishëm, sepse qëllimi i dënimit, siç tha ai, nuk është gjithmonë dënimi vetë, por edhe ri-socializimi dhe rehabilitimi i autorëve të veprave penale, dhe lirimi me kusht luan një rol mjaft të rëndësishëm në këtë drejtim. „ Dënimi duhet të shoqërohet me rehabilitim me qëllim që ai person të mos na vijë përsëri në konflikt me ligjin. Dhe lirimi me kusht nuk nënkupton ndonjë mëshirë ose vullnet të mirë të gjykatës apo Drejtorisë, ajo është një mundësi ligjore që u takon personave të dënuar.” – shtoi kryetari Kambovski.
Për drejtorin e Administratës për Zbatim të Sanksioneve, Aleksandar Pandov, masat alternative nuk ndikojnë vetëm në zgjidhjen e mbipopullimit nëpër burgje, por edhe në aspektin financiar. Siç theksoi ai: “Një i dënuar e kushton shtetin 1000 euro në muaj”.
Kreu i tri institucioneve theksuan rëndësinë e bashkëpunimit ndërinstitucional dhe nga kjo mendojnë se fokusi duhet të vihet pikërisht në tejkalimin e këtij hendeku, që ishte një arsye më shumë për realizimin e këtij takimi.
Në mbledhjen e punës morën pjesë kryetarë gjykatash nga të gjitha instancat, si dhe gjykatës që shqiptojnë masa alternative. Qëllimi ishte të inkurajoheshin gjykatësit të përdornin masat alternative, por njëkohësisht, të diskutohej tema dhe të shkëmbeheshin mendime dhe përvoja praktike në lidhje me këto masa dhe lirimin me kusht.