7 – 10 октомври 2024 година, Струга, Северна Македонија – Канцеларијата на Обединетите нации за дрога и криминал (UNODC), во соработка со Академијата за судии и јавни обвинители и Центарот за обука при Министерството за внатрешни работи на Северна Македонија, беше домаќин на три -дневна симулација на судење за трговија со луѓе.
Поддржана од Канцеларијата за следење и борба против трговијата со луѓе на Стејт департментот на САД, обуката собра 26 судии, обвинители, истражители, социјални работници и претставници на граѓанското општество, за да изградат вештини за откривање, истражување и гонење на случаите на трговија со луѓе, притоа давајќи приоритет на заштита на жртвите.
Користејќи реални сценарија, учесниците навлегоа подлабоко во симулација на истрагите и процесите на судење, дизајнирани да ја симулираат секоја фаза од случајот на трговија со луѓе – од идентификација на жртвата до конечна пресуда. Учесниците презедоа различни улоги во синџирот на кривичната правда, овозможувајќи им да го спојат теоретското знаење со практичното искуство.
Дискусиите за време на настанот се фокусираа на иновативни пристапи, како што е користење на видео-конференции за безбедно интервјуирање на деца-жртви и стратегии за решавање на правните дупки во случаите на трговија со луѓе.
Многу повеќе за овој настан можете да прочитате на следните линкови:
https://x.com/UNODC_ROSEE/status/1851615066572849326