Управниот одбор на Академијата за судии и јавни обвинители, на ден 02.10.2026 година (петок), во просториите на Академијата за судии и јавни обвинители, со почеток во 14:00 часот, во полн состав, ја одржа 254-та седница, на која:
- Едногласно беше усвоен Записникот од 253 седница на Управниот одбор одржана на 21 септември 2026 година.
- Беше назначен проф. д-р Блертoн Синани за член на Програмскиот совет на Академијата за судии и јавни обвинители од редот на редовните или вонредните професори по правни науки со академско звање доктор на науки.
- Беше утврдена предлог листата на предавачи како дополнување на листата на постојните предавачи на Академијата за судии и јавни обвинители.
- Под точка разно: директроката на Академијата, Ирина Трајкоска Стрезоски ги извести членовите на УО за продолжување на соработката помеѓу Академијата за судии и јавни обвинители и Програмата ХЕЛП на Совет на Европа.
Воедно, членовите на УО беа запознаени и со одговорот од Министерството за правда во однос на барањето на Академијата за статусот на предлог Законот за Академијата за судии и јавни обвинители.