Респектабилна правосудна Академија која има клучна улога во креирање на европски профили на судиите и јавните обвинители
Академијата за судии и јавни обвинители е институција со чие создавање, Република Македонија направи значаен чекор напред кон вградување во правосудство, на демократските принципи на владеење на правото и заштита на основните човекови права и слободи, вградени во бројните меѓународни документи за независно и ефикасно правосудство.
Денес, петнаесет години по основањето, Академијата за судии и јавни обвинители, преку стручната обука што ја испорачува, игра клучна улога во зајакнувањето на независноста и стручноста на институциите на правосудниот систем и прерасна во одговорен и професионален партнер во нејзината соработка со национални и меѓународни институции и проекти.