Академијата за судии и јавни обвинители „Павел Шатев“ Скопје во соработка со ДЦАФ Женевскиот центар за управување со безбедносниот сектор денес организираа две предавања за слушателите од Академијата:
- Собирање и чување докази во дигитален контекст и
- (Контра)разузнавачките информации како докази во судовите.
Во рамките на двете сесии, темите беа образложени од тројца излагачи:
- Алеш Залар, поранешен судија и Министер за правда на Словенија,
- Петер Гридлинг, виш експерт за разузнавање, Австрија,
- Андреј Божиновски, асистент докторанд на Правниот факултет во Загреб.
Модератор на сесиите и дискусијата беше д-р Теодора Фујор од ДЦАФ.
Слушателите покажаа особен интерес за темата, преку нивно активно вклучување во дискусиите со свои коментари, мислења и ставови, како и прашања до излагачите.
Темите кои беа изложени се во рамките на серијата шест предавања за слушателите од Академијата на тема Европски принципи и стандарди во судската постапка кои се спроведуваат во рамките на ДЦАФ имплементираната „Програма за реформи во разузнавачкиот и безбедносниот сектор во Република Северна Македонија (2021-2026)“.
Ресурсите за читање за слушателите може да се најдат на следните линкови:
- Тематски документ Допуштеност на (контра)разузнавачките информации како докази пред судот.
- Тематски документ Увиди и научени лекции од словенечкото судско искуство во одобрување на тајното следење
