Академијата за судии и јавни обвинители „Павел Шатев“ во соработка со Германската фондација за меѓународна правна соработка (IRZ) организира онлајн советување на тема „Унапредување на судските порамнувања во граѓанската постапка “ кое ќе се одржи на 9 декември 2020 година (среда) на платформата ЗООМ, со почеток во 10:30 часот
Советувањето е наменето за судии кои работат на граѓанска материја од сите апелациони подрачја.
Целта на ова советување е пренесување на основни знаења, пред сè на „soft skillsˮ, за носители на правни професии во демократски општества.
Со поздравно обраќање настанот ќе го отворат д-р Штефан Пирнер, адвокат, Раководител на проектна област на IRZ за Босна и Херцеговина, Црна Гора, Северна Македонија и Србија и проф. д-р Наташа Габер-Дамјановска, директор на Академијата за судии и јавни обвинители „Павел Шатев“.
Предавачи на советувањето ќе бидат г-а Катерина Георгиевска, судија на Апелационен суд Скопје и д-р Инго Вернер,судија на Вишиот покраински суд во Келн.
Програмата согласно која ќе се одвива советувањето можете да ја преземете тука.
Линк преку кој може да пристапите на ЗООМ платформата:
https://us02web.zoom.us/j/85037022493?pwd=a0x5bWxFdGVBeGdZcnRCU1ZHa0JPUT09
Meeting ID: 850 3702 2493
Passcode: 1233
Важна напомена: Учесниците треба да го следат настанот преку инсталирана апликација ZOOM, а не преку прелистувач, за да можат да го слушаат симултаниот превод. ZOOM апликацијата мора да биде со последен update (верзија понова од 4.5.0)