Управниот одбор на Академијата за судии и јавни обвинители на ден 27.11.2025 година (четврток), во просториите на Академијата за судии и јавни обвинители, со почеток во 13.15 часот ја одржа 241-та седница, на која:
- Беше усвоен записникот од 240-та седница на Управниот одбор на Академијата за судии и јавни обвинители.
- Беше одржана опсежна расправа по однос на состојбата со IX генерација почетна обука во Академијата, по што беше одлучено донесувањето на одлука за IX генерација почетна обука во Академијата да се одложи до донесувањето на Буџетот на Република Северна Македонија за 2026 година.
- Беше назначенa Гордана Милевска, раководител на Одделение за меѓународна правна помош во Кривична материја за член во Програмскиот совет на Академијата за судии и јавни обвинители, по доставена номинација од Министерството за правда на Република Северна Македонија број 08-516/10 од 26.09.2025 година.
- Членовите на Управниот одбор беа запознаени со Каталогот на обуки во Академијата за судии и јавни обвинители за 2026 година.
Седницата заврши во 15.00 часот.