Управниот одбор на Академијата за судии и јавни обвинители, на ден 18.03.2026 година (среда), во просториите на Академијата за судии и јавни обвинители, со почеток во 14.00 часот ја одржа 246-та седница, на која:
- Беа усвоени: Записник од 245-та седница на Управниот одбор на Академијата за судии и јавни обвинители; Годишен извештај за работата на Академијата за судии и јавни обвинители за 2025 година и Програма за работа на Академијата за судии и јавни обвинители за 2026 година.
- Точката од дневниот ред за определување на предавачи, беше одложена за наредната седница на Управниот одбор, закажана за 07.04.2026 година.
- По однос на точката од дневниот ред за дополнување на Годишниот план за јавни набавки за 2026 година на Академија за судии и јавни обвинители број 02-17/5 од 26.01.2026 година, директорката на Академијата, го информираше Управниот одбор на Академијата за законската услогласенот и спроведеното истражување на пазарот, по што беше донесен Заклучок оваа точка да истата се разгледа повторно по достава на Извештајот од спроведената ревизија од страна на Државниот завод за ревизија.
- Под точката разно, директорката на Академијата го извести Управниот одбор во однос на:
- присуство на Поткомитет за правда слобода и безбедност;
- доставена Одлука од Советот на јавни обвинители број 02-33/2 од 25.02.2026 за слободни јавно обвинителски места за академска 2027/2029 година;
- потребата од склучување на договор со Министерството за дигитална трансформација за спроведување на електронско тестирање;
- поведена постапка од страна на Уставниот суд на РСМ за оцена на уставноста на член 1 став 3 од Законот за судскиот буџет, во делот ,,Академија за судии и јавни обвинители’’.
Под точката разно, а врз основа на член 11 став 1 алинеја 21, беше побарано мислење од Управниот одбор во однос на 24 месечен проект за судска обука – ACCESS-JUST – Поддршка за пристапување кон дигитална правда и корпоративна одговорност координиран од Регионалниот центар на УНДП во Истанбул, на што Управниот одбор даде позитивно мислење.