Управниот одбор на Академијата за судии и јавни обвинители на ден 30.12.2024 година ја продолжи започнатата конститутивната 226-та седница. На истата беше утврден четиригодишниот мандат на новоконституираниот Управен одбор на Академијата за судии и јавни обвинители во следниот состав:
- Претседател на Врховен суд на РСМ, судија Беса Адеми, член на Управен одбор,
- м-р Сафет Кадрии, судија на Врховен суд на РСМ, заменик член на Управен одбор, назначени од Општата седница на Врховниот суд на РСМ.
- Јавен обвинител Златко Биковски, јавен обвинител во Јавно обвинителство на РСМ, член на Управен одбор,
- Јавен обвинител Цветанка Богоевска, Основен Јавен обвинител на Основно јавно обвинителство Велес, заменик член на Управен одбор, назначени од Јавно обвинителство на РСМ,
- Судија м-р Антоанета Димовска, член на Судски совет на РСМ, член на Управен одбор,
- Судија Емељ Кранли Али – судија на Основен суд Ресен – заменик член на Управен одбор, назначени од Судскиот совет на РСМ.
- Судија Али Алиу, судија на Апелационен суд Гостивар, член на Управен одбор,
- Судија Анита Јорданова, судија на Апелационен суд Штип, заменик член на Управен одбор, назначени од Судски совет на РСМ.
- Претседател на Совет на јавни обвинители, јавен обвинител Душица Димитриеска, член на Управен одбор,
- Јавен обвинител Татјана Кацарова, јавен обвинител на Основно јавно обвинителство Штип, заменик член на Управен одбор, назначени од Совет на јавни обвинители на РСМ.
- Јавен обвинител Башким Бесими, член на Совет на јавни обвинители на РСМ, член на Управен одбор,
- Јавен обвинител Енѓелуше Кадриу Леши, јавен обвинител во Основно јавно обвинителство за организиран криминал и корупција Скопје, заменик член на Управен одбор, назначени од Совет на јавни обвинители на РСМ.
- Јавен обвинител Спасенка Андонова, јавен обвинител во Основно јавно обвинителство Скопје, член на Управен одбор,
- Јавен обвинител Деса Пауновска, јавен обвинител во Вишо јавно обвинителство Гостивар, заменик член на Управен одбор, назначени од Здружение на јавни обвинители на РСМ.
- Претседател на Основен граѓански суд Скопје, судија Бесник Авдија, член на Управен одбор,
- Судија Дитурије Елези Незири, судија на Управен суд на РСМ, заменик член на Управен одбор, назначени од Здружение на судии на РСМ.
- Радица Лазареска Геровска, кабинетски службеник за правна поддршка на министерот за правда на РСМ, член на Управен одбор,
- Анета Тошевска, раководител на Одделение за постапување по претставки и поплаки по работата на правосудните органи, заменик член на Управен одбор, назначени од Министерот за правда на РСМ.
За претседател на Управниот одбор е избран судија Бесник Авдија, претседател на Основен граѓански суд Скопје, член на Управниот одбор на Академијата за судии и јавни обвинители.
За заменик – претседател Управниот одбор е избран јавен обвинител Спасенка Андонова, јавен обвинител во Основно јавно обвинителство Скопје, член на Управен одбор.
Мандатот на претседателот и на заменик претседателот на Управниот одбор трае две години, со можност за уште еден избор.
По завршување на конститутивната седница, а заради навремено исполнување на законски утврдените надлежности и обврски на Академијата, беше закажана нова итна 227-ма седница на новиот состав на Управниот одбор на Академијата, со следниот предлог дневен ред:
- Донесување на Деловник за работа на Управниот одбор на Академијата за судии и јавни обвинители.
- Утврдување на општа програма за контиунуирана обука за судии и јавни обвинители и специјализирана програма за доброволна континуирана обука 2025/2026.
- Утврдување на специјализирана програма за обука на судии поротници.
- Утврдување на каталогот за обуки за 2025 година.
- Донесување на одлука за објавување на оглас за избор на заменик на директор на Академијата за судии и јавни обвинители.
- Запознавање со временска динамика за текот на Завршниот испит за 8-та генерација на слушатели.