(мкд) Заменик директорот на Академијата, судија Илир Исени, учествуваше на конференцијата за „Подобрување на односите меѓу судовите и медиумите: научени лекции, преземени чекори и идни предизвици“

Sorry, this entry is only available in Macedonian and Shq. For the sake of viewer convenience, the content is shown below in this site default language. You may click one of the links to switch the site language to another available language.

Заменик директорот на Академијата за судии и јавни обвинители, судија Илир Исени, учествуваше на конференцијата за  Подобрување на односите меѓу судовите и медиумите: научени лекции, преземени чекори и идни предизвици, која се одржа на 28 и 29 септември 2021 година со физичко присуство во хотел „Александар Палас“, Скопје, како и онлјан преку платформата ZOOM. Конференцијата ја организираа Судско-медиумскиот совет на Република Северна Македонија, Здружението на судиите на Република Северна Македонија и Амбасадата на САД во Република Северна Македонија.

Во своето излагање на панел дискусијата на тема: “Стратегија за подобрување на судско-медиумските односи“, заменик директорот се осврна на суштинската соработка на Судско-медиумскиот совет со Академијата за судии и јавни обвинители, притоа задржувајќи се на трите основни точки и тоа: поставеноста на Академијата за судии и јавни обвинители во правосудниот систем на Република Северна Македонија; соработката со институциите во РСМ, со посебен акцент на Меморандумот за соработка со Судско-медиумскиот совет; и предизвиците од соработката помеѓу овие две институции.

На крајот од своето излагање, заменикот директор, судија Исени ги изнесе и своите заклучни согледувања по однос на темата:

  1. АСЈО како комплексна и значајна институција во правосудниот систем на Република Северна Македонија, преку своето дејствување како институција која организира обуки и за транспарентноста на судството, несомнено дека успешно ќе продолжи да ја остварува улогата на “мост“ помеѓу судството и медиуми,

 

  1. Меморандумот за соработка склучен помеѓу АСЈО и СМС, со цел афирмирање на заедничките заложби за транспарентно, независно и самостојно судство, судство со интегритет и доверба кај граѓаните, треба да се развива во инструмент кој ќе продолжи да ги промовира наведените вредности, за да истите бидат препознаени од пошироката јавност односно општеството, и

  1. Добрите практики кои ќе се развијат во текот на соработката меѓу АСЈО и СМС да бидат водилка и пример за нивните идни соработки со останатите сродни домашни и странски институции, организации, здруженија и фондации.