Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.
Академијата за судии и јавни обвинители како партнерска организација во рамките на ХИ 37 Проектот: Слобода на изразување и слобода на медиумите во Северна Македонија (ЈУФРЕКС 2), којашто е дел од заедничката програма на Европската Унија/Советот на Европа „Хоризонтален инструмент за Западен Балкан и Турција II“, имплементирана од страна на Советот на Европа организира онлајн обука којашто е продолжение на Првата обука за обучувачи посветена на слободата на изразување и истата е наменета за правни професионалци коишто се сертифицирани обучувачи од првата фаза на акцијата ЈУФРЕКС и коишто ќе бидат сертифицирани обучувачи на ЈУФРЕКС по завршувањето на ЈУФРЕКС 2.
Целта на овој настан е на едно место да се соберат веќе обучените обучувачи, како и обучувачите коишто допрва треба да се обучат и заедно со меѓународен и локален експерт за слобода на изразување и заштита и безбедност на новинарите да се обучат со користење на Прирачникот за слобода на изразување и медиуми и ажурираните модули на Прирачникот, како и дополнувањата на постоечките модули.
Настанот е предвиден да се одржи во текот на два дена (17 и 18 декември 2020 година): првиот ден со фокус на слободата на изразување и вториот ден со поспецифичен фокус на заштитата и безбедноста на новинарите.
Агендата согласно која ќе се одвива настанот можете да ја погледнете тука.