(мкд) Виртуелен настан преку платформата Interactio за електронски докази и компјутерски криминал

Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Академијата за судии и јавни обвинители и Програмата ОПДАТ/Амбасада на САД на 14 мај 2020 година, со почеток во 11:00 часот, организираат виртуелен настан преку платофрмата Interactio, на тема: Електронски докази и компјутерски криминал – добри практики за користење на електронски докази во кривична постапка.

На платформата можат да се најават судии од кривичните оддели и јавни обвинители од сите апелациони подрачја, кои откако ќе се пријават во Академијата за учество ќе добијат и линк преку кој ќе можат да се логираат. На сите кои ќе се пријават од страна на Академијата ќе им се смета поминат ден-обука.

Со поздравни обраќања настанот ќе го отворат: проф.д-р Наташа Габер Дамјановска, директор на Академијата за судии и јавни обвинители и г-а Челси Шинор, правен советник, Амбасада на САД во Скопје.

Презентација на Секторот за компјутерски криминал при МВР ќе имаат: г. Марјан Стоилковски, началник на Секторот за компјутерски криминал и дигитална форензика и г-а Катерина Јовановска, началник на одделение за дигитална форензика.

За искуствата на САД во однос на компјутерската форензика, електронските докази во судска постапка, крипто валута и сајбер-безбедност, излагања и презентации ќе имаат: г-а Челси Шинор, правен советник, Амбасада на САД; г. Дин Кинсман, специјален агент, помошник за правни работи, ФБИ, Амбасада на САД во Букурешт; г. Скот Керин, федерален обвинител, I-CHIP, за „Dark Web“ и крипто валути, Вашингтон и г. Дастин Оуверби, специјален агент, ФБИ-оддел за борба против тероризам, Вашингтон.